Þau lög og reglur sem laga- og reglusmiðir Evrópusambandsins hafa sturtað yfir fyrirtæki á sviði atvinnurekstrar frá 1998 til 2008, hafa kostað fyrirtæki og neytendur í Evrópusambandinu 168.000 miljarða krónur á þessum 11 árum 

Það eru samtök iðnaðar og verslunar í Evrópu, Eurochambers, sem hafa látið "Manchester & London Business Schools" reikna út þetta stóra reikningsdæmi yfir hvað reglur og lög Evrópusambandsins hafa kostað fyrirtæki Evrópusambandsins á þessum síðustu 11 árum

Eurochambers (The Association of European Commerce and Industry) - er félagsskapur 19 milljón fyrirtækja í 45 löndum Evrópu. Samtökin hafa starfað á vettvangi viðskipta, iðnaðar og efnahagsmála Evrópu síðan 1958. 

Í Danmörku er það Dansk Erhverv sem er aðili að Eurochambers og á Íslandi er það Viðskiptaráð Íslands sem er aðili að samtökunum. 

Hjá Dansk Erhverv segir Uffe Weest Nielsen að það sé von samtakanna að svona stjarnfræðilegar upphæðir séu þess megnugar að verkja stjórnmála- og embættismenn af værum svefni sínum. Þetta hefur þýtt tæplega 800.000 króna aukinn kostnað á hvert mannsbarn í Evrópusambandinu  

Löggjafinn löggefur í blindni og embættis- og stjórnmálamenn gera sér ekki grein fyrir hvað öll þessi lög og reglugerðir hafa mikinn kostnað í för með sér fyrir fyrirtæki í Evrópusambandinu

Þessum kostnaði geta fyrirtækin einungis velt áfram yfir í vöruverð þ.e. yfir á herðar neytenda sem blæða fyrir þetta með því að þurfa að borga hærra verð fyrir vörur og þjónustu en ella

Skýrsla og fréttatilkynning Eurochambers eru viðhengdar hér að neðan sem PDF skrár