posted Dec 17, 2009 2:58 PM by Gunnar Rögnvaldsson
[
updated Dec 18, 2009 3:34 AM
]
Síðasta bíósýning Nokia í bænum?Síðasta verksmiðja finnska Nokia fyrirtækisins í Vestur-Evrópu er staðsett í bænum Salo í Finnlandi. Þar vinna 2.000 manns. Til að spara peninga mun Nokia senda alla 2.000 starfsmennina heim í þrjá mánuði á næsta ári.
|
|
posted Dec 11, 2009 8:58 AM by Gunnar Rögnvaldsson
[
updated Dec 11, 2009 9:51 AM
]
Er evran landgönguprammi? Spilling er tískuorð á að minnsta kosti á tveimur eyjum og heilu meginlandi. Þetta á ekki bara við núna heldur næstum alltaf. Inn á tölvuskjá minn rataði írska bloggsíðan Sinn Féin Keep Left. Ástæðan var sú að ég var að "Googla" Finnland. Jahá svona gerist þetta. Þessi írska bloggsíða fjallar ekki um Finnland heldur um Írland. Þar var verið að vitna í bókadóm í blaðinu Guardian. Bókin heitir: “Fullfermi af fíflum - hvernig heimska og spilling sökkti hinum keltneska tígur"
Irish GDP is now shrinking faster than in any other advanced economy, and the country's gross indebtedness is larger than Japan's
Mín reynsla er sú að það fyrsta sem manni dettur í hug er yfirleitt það rétta. Þegar ég sá mynd bókarkápunnar af þrífóta evrunni þarna á kafi í höfninni í Dyflinni, þá datt mér strax í hug sokkinn landgönguprammi. Búið er að losa og tæma djásnið. Upp er svo sprottinn skógur byggingakrana. Afleiður byggingakrana eru yfirleitt byggingar - og skuldir, miklar skuldir.
En byggjendur eru nú flestir lagstir í rúmið inni í svefnálmunni sem NAMA-ríkisstjórn Írlands er að leigja undir alla þá sem byggðu þessa risastóru svefnálmu - og sem seinna urðu atvinnulausir eftir að þeir voru búnir að losa, tæma og byggja úr prammanum.
| Það er sem sagt komið að útborgunardegi. Ekki fyrir Íra heldur fyrir þá sem sendu þeim evruna með neikvæðum stýrivöxtum árum saman. Það er að segja, stýrivextirnir voru neikvæðir á Írlandi því þar var verðbólgan miklu hærri en heima á þýska stýri-vaxtaheimilinu í Frankfurt. Þessir þýsku vextir stýra svo vel.
Perhaps its best hope now is to revert as soon as possible to third world status and qualify for a loan from the IMF.
Það er eiginlega ekki hægt að hafa eftir það sem stendur um það sem stendur í bókinni. Best er að lesa það í hljóði. En þarna á bloggsíðunni er nefnt að Írar verði að byrja þjóðfélag sitt uppá nýtt, því það sé svo spillt. Þetta hefur maður kannski heyrt áður? En maður, var þetta ekki paradísin sjálf? Var þetta ekki í ESB? Var evran þá sem Trójuhryssa Landgönguprammadóttir fyrir Íra? Já það var hún, greinilega; Bloggsíðan Sinn Féin Keep Left; Time for mutiny on this ship of foolsSvo er það meginlandið sjálft og Brussel.Þar er ástandið víst ekki mikið betra ef marka má skoðanakannanir. Niðurstöður Eurobarometer um spillingu í ESB eru eftirfarandi:
Þrír af hverjum fjórum 500 milljón manns Evrópusambandsins segja að það sé mikil spilling í samfélagi þeirra. Þetta eru þá 375 milljón manns sem segja að þeir búi í spilltu samfélagi. Þeir segja að spillingin sé fólgin í samspillingu stjórnmála- og viðskiptalífs. Þetta er ekki nýtt því þetta er það sama og fólk sagði í flestum löndunum árið 2007.
Nema í Finnlandi, því þar segja tvöfalt fleiri Finnar að það sé spilling í finnska samfélaginu en árið 2007 - eða 51% Finna á móti 25% Finna í dag. Það eru fjármál stjórnmálaflokka og einstök skandalamál einstaklinga í fjölmiðlum sem valda þessari breytingu í Finnlandi.
Svipuð en þó verri er sagan í Austurríki. Þar álíta 61% að það sé spilling í þjóðfélagi þeirra á móti 47% á árinu 2007. Austurríkismönnum finnst vera spilling í dómskerfinu, lögreglu og stjórnmálum. Mútur eru þar líka nefndar. | Einna verst er ástandið á Möltu. Þar finnst næstum öllum íbúum þessarar eyju að spilling ríki í samfélagi þeirra, eða 95% á móti 84% árið 2007. Lengi getur vont versnað.
Í Bretlandi álitu 74% land sitt vera spillt. Þetta er 9 prósentustigum verra en árið 2007. Næstum allir Búlgarar álitu samfélag sitt vera spillt, eða 97% þjóðarinnar. Einungis 22% Dana finnst danska samfélagið vera spillt. Margir Íslendingar vita að Danmörk er eitt af fimm Norðurlöndum.
Svo kemur rúsínan í ESB-endanum: Yfir 75% af 500 milljónum íbúum ESB álíta að Evrópusambandið sjálft og stofnanir þess séu spilltar. EU Observer;
Ýmsar slóðir
11. des 2009 |
posted Nov 22, 2009 2:53 AM by Gunnar Rögnvaldsson
[
updated Nov 30, 2009 4:59 PM
]
Heilum áratug eftir að evran kom í stað þýska marksins er útflutningsknúinn efnahagsbati og efnahagsstefna Þýskalands enn að vinna gegn efnahagsbata 15 annarra landa evrusvæðis. En að þessu sinni er þetta gert undir bankastjórn evrópska seðlabankans (ECB). Gengi evrunnar hækkar bara og hækkar, þvert á þarfir flestra hagkerfa evrusvæðis. En Þýskalandi er nokkuð sama. Spákaupmenn gjaldeyrismarkaða veðja nú á að alltof hátt gengi evru muni hækka ennþá meira en orðið er. Þetta gerist vegna þess að markaðurinn veit að það er Þýskaland sem ræður öllu um þennan gjaldmiðil 16 landa Evrópusambandsins. Eitt land ræður yfir gjaldmiðli 15 annarra landa.
Þessi gjaldmiðill átti að sameina. En hann sundrar kannski meira en hann sameinar. Núna skaðar hann efnahagsbata í þeim löndum sem eru ekki eins samkeppnishæf og eins ónæm fyrir of háu gengi og Þýskaland er. Þessi einkenni þýska hagkerfisins ráða mestu um hvert og hvernig gengi evru mun þróast. Þetta er bagalegt fyrir öll lönd sem eru með þessa evru, nema náttúrlega fyrir Þýskaland. Efnahagsráðherra Þýskalands segir að þetta sé "ekkert til að hafa áhyggjur af".
| Á sama tíma hefur seðlabankastjóri ECB ítrekað ósk sína um “sterkan Bandaríkjadal”, sem myndi þýða lægra gengi evru gagnvart dollar. Hans ósk er því lægri evra. Það sama hafa frönsk stjórnvöld gefið til kynna. En Þjóðverjar segja að þeir séu ekki háðir gengi evru gangvart Bandaríkjadal. Þess vegna er auðvitað ekkert að óttast. Hægri hönd Frakklandsforseta, Henri Guaino, segir að evra á 1,5 dollara sé "stórslys" fyrir Frkakkland (e. disaster).
Svona er upplagt að koma í veg fyrir hagvöxt og velmegun í 15 löndum myntbandalagsins. Maður fjarstýrir gengi gjaldmiðils þeirra. Svona heldur maður hinum evrulöndunum í járngreipum og sem sínum einka-útflutningsmarkaði. Ekki er að furða þó hagvöxtur Evrusvæðis frá stofnun þess sé einn sá lélegasti í OECD. Væri ekki hreinskilnislegra að láta AGS um þetta? Að hafa AGS bara alltaf inn á gafli hjá sér? Fréttastofa Bloomberg hefur sennilega ekki þorað öðru en að breyta fyrirsögn fréttarinnar. Fyrst hljóðaði hún svona - "Deutsche Mark Rules Again as Germany Undercuts Trichet Call to Weaken Euro" - en núna er hún svona - "German Exports Undercut Trichet’s Weaker Euro Push (Update3)". Einhver hefur kvartað; Bloomberg |
|
posted Nov 12, 2009 9:43 PM by Gunnar Rögnvaldsson
[
updated Nov 13, 2009 9:39 PM
]
Mér datt í hug að það væri gaman að sjá hvernig verðbólga (CPI eða vísitala verðlags) í þeim löndum sem núna eru hvað verst sett í kreppunni, hefur verið undanfarin ár miðað við raun-stýrivexti í þessum löndum. Til dæmis í evrulöndunum Spáni og Írlandi. Ég þekki þetta málefni af eigin persónulegri reynslu því ég bý í landi sem býr við þá furðulegu stöðu mála að stýrivextir þess eru næstum alfarið ákveðnir í útlöndum. Þegar verðbólgan var um 1,3% í Danmörku árið 1992 þá voru stýrivextir hér um og yfir 10%.
|
|
posted Oct 28, 2009 9:24 PM by Gunnar Rögnvaldsson
[
updated Oct 30, 2009 2:00 AM
]
Draumurinn um einskonar United States of Europe í utanríkismálum er skýr hjá utanríkisráðherra Frakklands. EEAS hefur alla burði til þess að þróast í utanríkis-ráðuneyti sambandsríkja Evrópu.
Í tilefni heimsóknar til Póllands þann 20. júlí núna í sumar, hélt utanríkisráðherra Frakklands, Bernard Kouchner, ræðu á samkomu sendiherra Póllands. Þar sagði hann meðal annars eftirfarandi:
"Án nýju stjórnarskrár Evrópusambandsins (sem oft er nefnd Lissabon sáttmálinn) getum við ekki talað um framtíð fyrir Evrópu, enga framtíð fyrir öryggisvarnir Evrópu, enga framtíð fyrir stækkun Evrópu og enga framtíð fyrir fullkomnun Evrópu. Með 27 einstökum löndum er ekkert af þessu mögulegt.
Með þessu (nýju stjórnarskránni) munum við verða mikilvægasta pólitíska eining í heiminum og hún mun bera ábyrgð á örlögum okkar sem munu ná langt út fyrir landamæri okkar. Það munu ekki lengur verða nein málefni sem hægt verður að ákveða af neinu einu landi Evrópusambandsins. Öll málefnin veða meðhöndluð af öllum löndunum." Húsaleigan
"First we have a mortgage: the Treaty of Lisbon. Without the Treaty of Lisbon, without the vote on 2 October referendum in Ireland, without ratification, we can not talk about the future of Europe, European defense, the enlargement of Europe, development. A twenty-seven, it is not possible. We need the Lisbon Treaty, the first mortgage. "Bernard Kouchner held ur áfram og segir: "Við verðum að hafa í huga nauðsyn þess að styðja undir utanríkisþjónustu okkar með sameiginlegu afli í varnar- og öryggismálum, þ.e. öryggis- og varnarafli Evrópusambandsins, eins og við gerðum í Georgíu og Kosovo. Án þessara varnarafla Evrópu mun utanríkisþjónustu okkar skorta afl. Ein leiðin til að ná fram þessum styrk - og sem verður eitt af verkefnum komandi forsætis Póllands - er að byggja upp erindrekaþjónustu utanríkisþjónustunnar í gegnum hina nýju evrópsku aðgerðaþjónustu utanríkismála (EEAS) sem nýja stjórnarská Evrópusambandsins gerir ráð fyrir samhliða völdum framkvæmdanefndarinnar. Þetta mun ekki bara veða utanríkisþjónusta skriffinna."
Framkvæmdanefnd Evrópusambandsins rekur nú þegar 118 sendiskrifstofur í heiminum
Það fer víst ekkert á milli mála hér hverjar óskir utanríkisráðherra næst stærsta en áhrifamesta lands Evrópusambandsins eru. EEAS hefur alla burði til þess að þróast í utanríkisráðuneyti hins komandi sambandsríkis Evrópu. Nýja stjórnarskráin mun sjá fyrir því. Það er ekki að undra þó sumum þyki þessi nýja stjórnarskrá mjög mikilvæg fyrir sig.
Aðeins þrjár þjóðir af 27 þjóðum hafa fengið að láta í ljós álit sitt á þessari nýju stjórnarská í þjóðaratkvæðagreiðslum. En það voru Frakkland, Holland og Írland. Út úr þessum þjóðaratkvæðagreiðslum kom; NEI, NEI NEI. En þá var bara kosið aftur á Írlandi. Frönsku og hollensku þjóðunum var sagt að halda kjafti, þegnarnir réðu þessu ekki lengur, það væru stjórnmálamenn og embættismenn sem réðu þessu fyrir þá.
Bernard Kouchner segir ennfremur að í sambandi við Evrópumálin hafi hann lært vissa hluti: "maður þarf að vera ákveðinn, heilsteyptur og krefjandi svo maður týnist ekki í frumskógum skriffinnskunnar í Evrópusambandinu."
Tekið og þýtt úr ræðu utanríkisráðherra Frakklands, Bernard Kouchner
|
Mín skoðun
Járnkrumlur læsast um Evrópu
Ég sé járnkrumlur embættismannaveldis Evrópusambandsins í Brussel leggja hald sitt á gömlu Evrópu með afli Brusselveldisins sem nú er með nýju stjórnarskrá ESB í rassvasanum. Nú verður henni veifað eins og nýjum fána, en þó fána sem enginn kaus. Eins og sakir standa er þetta embættismannaveldi eini virki herafli Brusselveldisins, en hann er þó alltaf í viðbragðsstöðu, á "high alert". Þegar hinn alvöru vopnaði her Evrópusambandsins er kominn í hendurnar á Brusselveldinu þá er of seint að gera nokkuð. Þá er spilið algerlega tapað.
Þjóðir Evrópusambandsins eru hvað eftir annað látnar éta úrslit kosninga ofaní sig aftur eða þá að þau eru gerð ógild. Kosið er aftur og aftur ef Samfylkingunni í ESB finnst ekki koma rétt út úr kosningunum. Ef eitthvað er, þá hefur ófriðarhættan aukist í Evrópu með tilkomu Evrópusambandsins.
Lýðræðisþjóðir fara nefnilega ekki í stríð við aðrar lýðræðisþjóðir. En það gera hinsvegar lönd og svæði þar sem lýðræði er á undanhaldi. Lýðræðið er einmitt á undanhaldi í Evrópusambandinu. Því hefur ófriðarhættan aukist í takt við aukin völd Evrópusambandsins. Þetta er staðreynd.
En Samfylkingin í ESB vill ekki að þú fáir að vita þetta. Hún og kumpánar hennar eru önnumkafnir við að matreiða þenann rétt utanríkisráðherra Frakklands ofaní þjóðríki Íslands. Öllu skal fórnað.
Njóttu kosta ÍslandsNjóttu þess að á milli Íslands og Evrópusambandsins er hálft Atlantshaf og heill Norðursjór sem verndar Ísland. Þetta hefur oft komið sér afskaplega vel og aldrei háð Íslandi. Njóttu þess að þurfa ekki að búa í sama herbergi og 80 milljón Þjóðverjar og 60 milljón Frakkar, ásamt öllu því lausa sem fylgir í túnfæti margra landa gömlu og þreyttu Evrópu. Sérstaða Íslands er mikill kostur.
Íslandi fór fyrst að vegna vel eftir að landið varð sjálfstætt og fullvalda ríki. Vöðvar frelsisins þola ekki spennitreyjur á borð við Evrópusambandið. Þá visna þeir og hverfa
|
posted Oct 19, 2009 8:36 PM by Gunnar Rögnvaldsson
[
updated Oct 20, 2009 10:47 AM by Erlent Innlent
]
Júlí 2009 til águst 2009
Vöxtur útflutnings á milli mánaða
júlí til ágúst
2009 (árstíðaleiðrétt) |
| Land |
Vöxtur |
| Italy |
-19,10% |
| Poland |
-14,60% |
| Denmark |
-12,50% |
| Malta |
-10,00% |
| Finland |
-9,10% |
| Greece |
-6,10% |
| Evrusvæði |
-5,80% |
| Ireland |
-5,00% |
| Hungary |
-4,40% |
| EU27 |
-4,20% |
| Luxembourg |
-4,20% |
| France |
-3,20% |
| Germany |
-3,00% |
| Portugal |
-2,50% |
| Cyprus |
-2,40% |
| Belgium |
-1,10% |
| Slovakia |
-1,10% |
| Netherlands |
-1,00% |
| United Kingdom |
-0,70% |
| Austria |
-0,40% |
| Spain |
0,70% |
| Slovenia |
1,20% |
| Latvia |
2,70% |
| Czech Republic |
2,80% |
| Romania |
6,70% |
| Lithuania |
7,40% |
| Sweden |
7,60% |
| Estonia |
8,50% |
| Bulgaria |
33,20% | | Janúar-júlí 2008 til janúar-júlí 2009
Vöxtur útflutningur á fyrstu 7 mánuðum ársins miðað við sama tíma á síðasta ári
(ekki-árstíðaleiðrétt) |
|
Jan-Júl 08 |
Jan-Júl 09 |
Vöxtur |
|
| Land |
miljarðar evrur |
miljarðar evrur |
Prósent |
Árangur: miljarðar
evrur |
| Finland |
40,0 |
25,6 |
-36% |
-14,4 |
| Lithuania |
9,5 |
6,4 |
-32% |
-3,1 |
| Sweden |
76,6 |
53,1 |
-31% |
-23,5 |
| Bulgaria |
9,3 |
6,4 |
-30% |
-2,9 |
| Estonia |
4,9 |
3,6 |
-27% |
-1,3 |
| Latvia |
4,0 |
2,9 |
-27% |
-1,1 |
| Czech Rep. |
60,5 |
45,7 |
-25% |
-14,8 |
| Portugal |
23,8 |
17,9 |
-25% |
-5,9 |
| Italy |
224,5 |
171,5 |
-24% |
-53,0 |
| Hungary |
44,6 |
33,8 |
-24% |
-10,8 |
| Malta |
1,1 |
0,8 |
-24% |
-0,3 |
| Austria |
74,6 |
56,7 |
-24% |
-17,9 |
| Slovakia |
28,5 |
21,8 |
-24% |
-6,7 |
| UK |
188,2 |
143,1 |
-24% |
-45,1 |
| Belgium |
196,1 |
152,0 |
-23% |
-44,1 |
| Germany |
597,4 |
457,8 |
-23% |
-139,6 |
| Poland |
69,5 |
53,5 |
-23% |
-16,0 |
| Slovenia |
14,1 |
10,9 |
-23% |
-3,2 |
| France |
249,6 |
198,4 |
-21% |
-51,2 |
| Netherlands |
255,8 |
201,4 |
-21% |
-54,4 |
| Cyprus |
0,7 |
0,5 |
-20% |
-0,2 |
| Spain |
111,7 |
90,2 |
-19% |
-21,5 |
| Romania |
20,3 |
16,4 |
-19% |
-3,9 |
| Denmark |
46,8 |
38,6 |
-18% |
-8,2 |
| Greece |
10,1 |
8,4 |
-18% |
-1,7 |
| Luxembourg |
10,0 |
8,8 |
-12% |
-1,2 |
| Ireland |
50,1 |
50,5 |
1% |
0,4 | |
posted Oct 19, 2009 1:48 PM by Gunnar Rögnvaldsson
[
updated Oct 19, 2009 2:23 PM
]
43% kosningaþátttaka. Kosningaþátttaka í kosningum til þings Evrópusambandsins í sumar endaði á 43% þáttöku kjósenda á þessu 500 milljón manna landsvæði embættismanna sambandsins. Þetta er lélegasta kosningaþátttaka frá upphafi. Kosningaþátttaka í 18 af 27 löndum ESB var undir 50% og í 11 löndum var hún minni en 40%. Aðeins 19,6% íbúa Slóvakíu sáu ástæðu til að reyna að hafa áhrif á gang mála í ESB með því að kjósa. Í Lettlandi var kosningaþátttakan svo mikil sem 21%. Aðeins 24,5% íbúa í 38 milljón manna þjóðríki Póllands notfærðu sér kosningarétt sinn. Í aðeins 4 af 27 löndum ESB var kosningaþátttaka yfir 60%.
Í Frakklandi kusu um 40% kjósenda. Það er lélegasta kosningaþátttaka þar frá upphafi. Um 43% Þjóðverja mættu á kjörstað og köstuðu atkvæði. Það er rétt tæplega lélegasta kosningaþátttaka frá upphafi þar í landi. Í Danmörku tókst að hækka kosningaþátttöku töluvert með því að láta kjósa samtímis um málefni dönsku konungsfjölskyldunnar, því þá mættu mun fleiri kjósendur á kjörstað en ella hefði orðið. | Úrslit þessara kosninga í öllum 27 löndum ESB voru tekin góð og gild af embættismönum sambandsins. Embættismenn Evrópusambandsins munu ekki fara fram á nýjar kosningar því það var hvort sem er engin stjórnarandstaða í boði sem hægt var að kasta atkvæði sínu á. Lítið var því í húfi fyrir embættismenn sambandsins hér. Ekkert meira hefði unnist fyrir þá með því að kalla kjósendur á ný inn í kosningabúrin eins og gert var á Írlandi þegar kosið var aftur um hvort færa ætti enn meiri völd yfir til embættismanna ESB í Brussel eða ekki. Þetta gerðist eftir misheppnuð kosningaúrslit þar í landi á síðasta ári. Þá kom "nei" út úr þjóðaratkvæðagreiðslu um nýju stjórnarskrá embættismanna ESB yfir Írum, því urðu Írar að kjósa aftur.
Engir embættismenn Evrópusambandsins voru kosnir að þessu sinni og hafa heldur aldrei verið kosnir af neinum neinsstaðar í 27 löndum ESB; Þing ESB
Samkvæmt utanríkisráðherra stjórnmálaflokksins Samfylkingar á Íslandi, herra Össuri Skarphéðinssyni, er hlutverk Evrópusambandsins þetta: “ Hlutverk Evrópu er að vera hornsteinn mannréttinda í heiminum og ýta undir stöðuleika, sjálfbær þróun, réttlæti og velmegun um allan heim”; Morgunblaðið
|
posted Oct 5, 2009 12:02 AM by Gunnar Rögnvaldsson
[
updated Oct 10, 2009 3:04 PM
]
Allir: Atvinnuleysi á evrusvæði er nú 9,6% og 9,1% í öllu ESB. Atvinnuleysi hækkaði í öllum löndunum í ágúst. Hæst er atvinnuleysi á Spáni 18,9%, Lettlandi 18,3% og í Litháen 13,7%. | Ungmenni: Atvinnuleysi ungmenna undir 25 ára aldri mældist 19,7% á evrusvæði og 19,8% í öllu ESB. Hæst er atvinnuleysi ungmenna á Spáni 39,2%, Svíþjóð 27,3 og á Írlandi 26,4%. | Síðustu 28 ár á evrusvæði: Þróunin atvinnuástands flestra landa evrusvæðis hin síðustu 28 ár má skoða hér |
posted Oct 3, 2009 5:03 AM by Gunnar Rögnvaldsson
[
updated Oct 3, 2009 6:24 AM
]
"Deilurnar út af Icesave-reikningum Landsbankans frá árunum 2007–2008 erlendis hafa upptekið pólitíska umræðu hérlendis meira en nokkuð annað frá því að kosið var til Alþingis í lok apríl og ný meirihlutastjórn Samfylkingar og Vinstri grænna var mynduð í kjölfarið. Það sérkennilega við stöðu þess máls er að í langri samstarfsyfirlýsingu nýrrar meirihlutastjórnar frá í vor er ekki að finna starfkrók um Icesave frekar en það væri ekki til."
|
"Ráðlegast væri jafnframt að stjórnvöld dragi fyrr en seinna til baka umsóknina um aðild Íslands að Evrópusambandinu en þar liggja þegar að er gáð rætur þess ástands sem hér ríkir." |
posted Sep 11, 2009 2:09 AM by Gunnar Rögnvaldsson
[
updated Sep 12, 2009 11:28 PM
]
Þegar að Evrópusambandinu kemur, þá eru öll kosningaúrslit sem auka völd Brussel álitin sem verandi endanleg úrslit kosninga. En öll kosningaúrslit sem eru andstæð því að aukin völd séu flutt til Brussel eru alltaf álitin sem einungis tímabundin kosningaúrslitúrslit.
Nýja stjórnarskrá Evrópusambandsins, Lissabon sáttmálinn, er gott dæmi um slíka valdatöku. Meðal annars mun stjórnarskráin færa ábyrgðarhlutverk frá þjóðþingum landa Evrópusambandsins yfir til þings Evrópusambandsins. Fækka málefnum sem krefjast samhljóða samþykkis landanna (þjóðaratkvæðagreiðslur verða óþarfar), skapar forseta sem persónu (í stað þess að skipta embættinu á milli landanna) og skapar utanríkisráðherra til þess að þrýsta utanríkisstefnu heils meginlands í gegn.
Í júní 2008 felldi Írland nýju stjórnarskrá Evrópusambandsins í þjóðaratkvæðagreiðslu. Þar sem nýja stjórarskráin krefst samhljóða samþykkis allra landanna í ESB svo hún nái að taka gildi, komu úrslit þjóðaratkvæðagreiðslu Íra í veg fyrir að stjórnarskráin gæti tekið gildi. En samt sem áður, þá krefst elíta Evrópu þess að Írar kjósi aftur. Það verður ný þjóðaratkvæðagreiðsla 2. október 2009 á Írlandi.
"Lýðræði þýðir ekki að drekkja eigi röddum þess fólks sem mun þurfa að búa og lifa undir ríkisstjórn stjórnarskrárinnar" Þingmenn þings Evrópusambandsins vilja nauðugir viljugir ræða óánægju almennings með sambandsríkisstjórn Evrópusambandsins. Síðasti forseti þings Evrópusambandsins, Hans-Gert Poettering, gékk svo langt að leggja til að þaggað yrði niður í “sambandsríkis-andstæðingum” (anti-federalists) með samhæfðum aðgerðum og samstöðu sambandsríkissinna sem þaggað gætu raddir þessara andstæðinga sambandsríkis.
Skoðanakönnun Open Europe hugveitunnar árið 2007 leiddi í ljós að 75% Evrópubúa - og með algerum meirihluta í hverju einasta landi - vildu að allar tilraunir til að færa fleiri og meiri völd yfir til Brussel kæmu til þjóðaratkvæðagreiðslu í öllum löndunum. Það var þessvegna engin furða að fyrrverandi forseti Frakklands, Valery Giscard d'Estaing — og sem átti stóran þátt í að móta hina nýju stjórnarskrá Evrópusambandsins — skyldi lýsa yfir “þörfinni á að forðast að halda þjóðaratkvæðagreiðslur” um málið. | Þrátt fyrir loforðið um að virða írska neiið þá lýsti einn þingmaður sósíalista á þingi Evrópusambandsins því yfir að ef það kæmi aftur nei frá Írum þá myndi landið standa frammi fyrir “einangrun og annarsflokks” stöðu innan sambandsins. Breski þingmaðurinn Daniel Hannan skrifar að írskur vinur hans hafi sagt honum að “Írland barðist ekki fyrir því að losna undan yfirráðum breska heimsveldisins til þess eins af verða sópað fram og til baka af Belgum.
Spænski ESB kommissarinn Joaquin Almunia hélt því fram að það væri ekki sérstaklega lýðræðislegt að halda þjóðaratkvæðagreiðslur um eins “flókin mál” og nýja stjórnarskráin væri. Innanríkisráðherra Þýskalands, Wolfgang Schaeuble, lýsti því yfir að “nokkrar miljónir Íra geti ekki ákveðið mál fyrir 495 miljón Evrópubúa”.
Sumir talsmenn nýju stjórnarskrárinnar lögðu enn fremur til að Írlandi yrði sparkað út úr ESB eða þá að landið yðri fellt alla leið niður í deild “samstarfsríkja”. En flestir þeirra vildu frekar að Dublin yrði beitt þrýstingi svo kosið yðri aftur um þetta sama mál þar í landi.
Til að gera málin ætilegri fyrir Íra hafa sumar ríkisstjórnir í ESB lofað Írum vissum breytingum seinna eða “í framtíðinni”. Samt sem áður lýsti Micheal Martin utanríkisráðherra Írlands því yfir í desember að “við munum ekki fara fram á að írska þjóðin kjósi um sama hlutinn aftur”.
Loforðin sem Dublin fékk frá ESB voru hinsvegar þau að Írum væri lofaðar “ýmsar tilslakanir” inni í framtíðinni, en ekki núna þegar þeir væri að kjósa um stjórnarskránna. Fyrir írska þingmanni sósíalista á Evrópuþinginu, Joe Higgins, er staðfestingarferli stjórnarskrárinnar á Írlandi ein stór “skrúðganga fáránleikans”. Í sama streng tekur Lorraine Mullally frá Open Europe þegar hún segir: “þrátt fyrir langar samningaviðræður og mikið af yfirborðskenndum yfirlýsingum um það að “virða írska neiið” þá hefur ekki einni einustu kommu verið breytt í nýju stjórnarskránni”.
Þessu til viðbótar þá eiga forsetar Tékklands og Póllands eftir að samþykkja þessa nýju stjórnarskrá Evrópusambandsins. Ef íhaldsflokkur Bretlands mun komast til valda þar í landi áður en staðfestingarferli stjórnarskrárinnar er lokið þá mun það flækja málin því þeir munu líklega afturkalla það sem ríkisstjórn breska verkamannaflokksins hefur nú þegar aðhafst í staðfestingarferlinu.
| Oxford prófessorinn Timothy Garton Ash skrifaði í breska blaðið Guardian að “mikilfengleiki þess verks sem við köllum Evrópusambandið - þar sem þjóðir þess eru fæddar í svo miklu blóði - er falinn í því að þær vinni saman í samveldi lýðræðisríkja.
Hann hefur rétt fyrir sér, en röksemdafærsla hans er í mótsögn við hina nýju stjórnarskrá Evrópusambandsins og staðfestingarferli hennar. Lýðræði þýðir ekki að drekkja eigi röddum þess fólks sem mun þurfa að búa og lifa undir ríkisstjórn stjórnarskrárinnar.
Doug Bandow er "senior fellow" við Cato stofnunina í Bandaríkjunum. Hann sérhæfir sig í utanríkismálum, réttindum og frelsi þegna. Doug Bandow var sérstakur ráðgjafi Ronald Reagan Bandaríkjaforseta. Hann var um tíma ritstjóri Inquiry tímaritsins um stjórnmál og kemur oft fyrir á sjónvarpsstöðvum svo sem ABC, CBS, NBC, CNN. Bandow hefur skrifað fjölda bóka. Nánar um Doug Bandow á vef CATO
|
|
