Veitur‎ > ‎

Erlent efni

Subscribe to posts

Pistill: Síðasta verksmiðja Nokia í Vestur-Evrópu

posted Dec 17, 2009, 2:58 PM by Gunnar Rögnvaldsson   [ updated Dec 18, 2009, 3:34 AM ]


Síðasta bíósýning Nokia í bænum?

Síðasta verksmiðja finnska Nokia fyrirtækisins í Vestur-Evrópu er staðsett í bænum Salo í Finnlandi. Þar vinna 2.000 manns. Til að spara peninga mun Nokia senda alla 2.000 starfsmennina heim í þrjá mánuði á næsta ári.

Lesið allan pistilinn hér: Síðasta verksmiðja Nokia í Vestur-Evrópu


Þýska markið, Deutsche Mark, stjórnar ennþá öllu hér í Evrópu

posted Nov 22, 2009, 2:53 AM by Gunnar Rögnvaldsson   [ updated Nov 30, 2009, 4:59 PM ]



Heilum áratug eftir að evran kom í stað þýska marksins er útflutningsknúinn efnahagsbati og efnahagsstefna Þýskalands enn að vinna gegn efnahagsbata 15 annarra landa evrusvæðis. En að þessu sinni er þetta gert undir bankastjórn evrópska seðlabankans (ECB). Gengi evrunnar hækkar bara og hækkar, þvert á þarfir flestra hagkerfa evrusvæðis. En Þýskalandi er nokkuð sama. Spákaupmenn gjaldeyrismarkaða veðja nú á að alltof hátt gengi evru muni hækka ennþá meira en orðið er. Þetta gerist vegna þess að markaðurinn veit að það er Þýskaland sem ræður öllu um þennan gjaldmiðil 16 landa Evrópusambandsins. Eitt land ræður yfir gjaldmiðli 15 annarra landa.

Þessi gjaldmiðill átti að sameina. En hann sundrar kannski meira en hann sameinar. Núna skaðar hann efnahagsbata í þeim löndum sem eru ekki eins samkeppnishæf og eins ónæm fyrir of háu gengi og Þýskaland er. Þessi einkenni þýska hagkerfisins ráða mestu um hvert og hvernig gengi evru mun þróast. Þetta er bagalegt fyrir öll lönd sem eru með þessa evru, nema náttúrlega fyrir Þýskaland. Efnahagsráðherra Þýskalands segir að þetta sé "ekkert til að hafa áhyggjur af". 



Á sama tíma hefur seðlabankastjóri ECB ítrekað ósk sína um “sterkan Bandaríkjadal”, sem myndi þýða lægra gengi evru gagnvart dollar. Hans ósk er því lægri evra. Það sama hafa frönsk stjórnvöld gefið til kynna. En Þjóðverjar segja að þeir séu ekki háðir gengi evru gangvart Bandaríkjadal. Þess vegna er auðvitað ekkert að óttast. Hægri hönd Frakklandsforseta, Henri Guaino, segir að evra á 1,5 dollara sé "stórslys" fyrir Frkakkland (e. disaster).

Svona er upplagt að koma í veg fyrir hagvöxt og velmegun í 15 löndum myntbandalagsins. Maður fjarstýrir gengi gjaldmiðils þeirra. Svona heldur maður hinum evrulöndunum í járngreipum og sem sínum einka-útflutningsmarkaði. Ekki er að furða þó hagvöxtur Evrusvæðis frá stofnun þess sé einn sá lélegasti í OECD. Væri ekki hreinskilnislegra að láta AGS um þetta? Að hafa AGS bara alltaf inn á gafli hjá sér? Fréttastofa Bloomberg hefur sennilega ekki þorað öðru en að breyta fyrirsögn fréttarinnar. Fyrst hljóðaði hún svona - "Deutsche Mark Rules Again as Germany Undercuts Trichet Call to Weaken Euro" - en núna er hún svona - "German Exports Undercut Trichet’s Weaker Euro Push (Update3)". Einhver hefur kvartað; Bloomberg


Pistill: hugleiðing um raun-stýrivexti

posted Nov 12, 2009, 9:43 PM by Gunnar Rögnvaldsson   [ updated Nov 13, 2009, 9:39 PM ]


Mér datt í hug að það væri gaman að sjá hvernig verðbólga (CPI eða vísitala verðlags) í þeim löndum sem núna eru hvað verst sett í kreppunni, hefur verið undanfarin ár miðað við raun-stýrivexti í þessum löndum. Til dæmis í evrulöndunum Spáni og Írlandi. Ég þekki þetta málefni af eigin persónulegri reynslu því ég bý í landi sem býr við þá furðulegu stöðu mála að stýrivextir þess eru næstum alfarið ákveðnir í útlöndum. Þegar verðbólgan var um 1,3% í Danmörku árið 1992 þá voru stýrivextir hér um og yfir 10%. 

Pistillinn er hér: Hugleiðing um raun-stýrivexti


5,8% samdráttur í útflutningi evrusvæðis frá júlí til águst 2009

posted Oct 19, 2009, 8:36 PM by Gunnar Rögnvaldsson   [ updated Oct 20, 2009, 10:47 AM by Erlent Innlent ]

Útflutningur heldur áfram að dragast saman á evrusvæði og í Evrópusambandinu í heild á milli júlí og águst mánaða. Þessar tölur hafa dregið talsvert úr vonum manna um að efnahagsbati sé á leiðini eða jafnvel kominn í gang eftir að tölur frá júní-júlí höfðu gefið til kynna 4,7% vöxt í útflutnigni evrusvæðis og 3% í ESB í heild. En seinustu tölur benda til þess að batinn sé ekki til staðar ennþá. En nú er sem sagt vöxtur útflutnings máður út aftur; 

FT 
Júlí 2009 til águst 2009

Vöxtur útflutnings á milli mánaða
júlí til ágúst 2009 (árstíðaleiðrétt)
Land Vöxtur
Italy -19,10%
Poland -14,60%
Denmark -12,50%
Malta -10,00%
Finland -9,10%
Greece -6,10%
Evrusvæði -5,80%
Ireland -5,00%
Hungary -4,40%
EU27 -4,20%
Luxembourg -4,20%
France -3,20%
Germany -3,00%
Portugal -2,50%
Cyprus -2,40%
Belgium -1,10%
Slovakia -1,10%
Netherlands -1,00%
United Kingdom -0,70%
Austria -0,40%
Spain 0,70%
Slovenia 1,20%
Latvia 2,70%
Czech Republic 2,80%
Romania 6,70%
Lithuania 7,40%
Sweden 7,60%
Estonia 8,50%
Bulgaria 33,20%
Janúar-júlí 2008 til janúar-júlí 2009

Vöxtur útflutningur á fyrstu 7 mánuðum ársins miðað við sama tíma á síðasta ári
(ekki-árstíðaleiðrétt)
Jan-Júl 08 Jan-Júl 09 Vöxtur
Land miljarðar evrur miljarðar evrur Prósent Árangur: miljarðar
evrur
Finland 40,0 25,6 -36% -14,4
Lithuania 9,5 6,4 -32% -3,1
Sweden 76,6 53,1 -31% -23,5
Bulgaria 9,3 6,4 -30% -2,9
Estonia 4,9 3,6 -27% -1,3
Latvia 4,0 2,9 -27% -1,1
Czech Rep. 60,5 45,7 -25% -14,8
Portugal 23,8 17,9 -25% -5,9
Italy 224,5 171,5 -24% -53,0
Hungary 44,6 33,8 -24% -10,8
Malta 1,1 0,8 -24% -0,3
Austria 74,6 56,7 -24% -17,9
Slovakia 28,5 21,8 -24% -6,7
UK 188,2 143,1 -24% -45,1
Belgium 196,1 152,0 -23% -44,1
Germany 597,4 457,8 -23% -139,6
Poland 69,5 53,5 -23% -16,0
Slovenia 14,1 10,9 -23% -3,2
France 249,6 198,4 -21% -51,2
Netherlands 255,8 201,4 -21% -54,4
Cyprus 0,7 0,5 -20% -0,2
Spain 111,7 90,2 -19% -21,5
Romania 20,3 16,4 -19% -3,9
Denmark 46,8 38,6 -18% -8,2
Greece 10,1 8,4 -18% -1,7
Luxembourg 10,0 8,8 -12% -1,2
Ireland 50,1 50,5 1% 0,4

Fréttatilkynning hagstofu ESB

| Attachments: 6-16102009-AP-EN.pdf

Kosningaþátttaka í kosningum til þings Evrópusambandsins; sumar 2009.

posted Oct 19, 2009, 1:48 PM by Gunnar Rögnvaldsson   [ updated Oct 19, 2009, 2:23 PM ]

43% kosningaþátttaka. 

Kosningaþátttaka í kosningum til þings Evrópusambandsins í sumar endaði á 43% þáttöku kjósenda á þessu 500 milljón manna landsvæði embættismanna sambandsins. Þetta er lélegasta kosningaþátttaka frá upphafi. Kosningaþátttaka í 18 af 27 löndum ESB var undir 50% og í 11 löndum var hún minni en 40%. Aðeins 19,6% íbúa Slóvakíu sáu ástæðu til að reyna að hafa áhrif á gang mála í ESB með því að kjósa. Í Lettlandi var kosningaþátttakan svo mikil sem 21%. Aðeins 24,5% íbúa í 38 milljón manna þjóðríki Póllands notfærðu sér kosningarétt sinn. Í aðeins 4 af 27 löndum ESB var kosningaþátttaka yfir 60%. 

Í Frakklandi kusu um 40% kjósenda. Það er lélegasta kosningaþátttaka þar frá upphafi. Um 43% Þjóðverja mættu á kjörstað og köstuðu atkvæði. Það er rétt tæplega lélegasta kosningaþátttaka frá upphafi þar í landi. Í Danmörku tókst að hækka kosningaþátttöku töluvert með því að láta kjósa samtímis um málefni dönsku konungsfjölskyldunnar, því þá mættu mun fleiri kjósendur á kjörstað en ella hefði orðið. 
Úrslit þessara kosninga í öllum 27 löndum ESB voru tekin góð og gild af embættismönum sambandsins. Embættismenn Evrópusambandsins munu ekki fara fram á nýjar kosningar því það var hvort sem er engin stjórnarandstaða í boði sem hægt var að kasta atkvæði sínu á. Lítið var því í húfi fyrir embættismenn sambandsins hér. Ekkert meira hefði unnist fyrir þá með því að kalla kjósendur á ný inn í kosningabúrin eins og gert var á Írlandi þegar kosið var aftur um hvort færa ætti enn meiri völd yfir til embættismanna ESB í Brussel eða ekki. Þetta gerðist eftir misheppnuð kosningaúrslit þar í landi á síðasta ári. Þá kom "nei" út úr þjóðaratkvæðagreiðslu um nýju stjórnarskrá embættismanna ESB yfir Írum, því urðu Írar að kjósa aftur. 

Engir embættismenn Evrópusambandsins voru kosnir að þessu sinni og hafa heldur aldrei verið kosnir af neinum neinsstaðar í 27 löndum ESB; Þing ESB

Samkvæmt utanríkisráðherra stjórnmálaflokksins Samfylkingar á Íslandi, herra Össuri Skarphéðinssyni, er hlutverk Evrópusambandsins þetta: “Hlutverk Evrópu er að vera hornsteinn mannréttinda í heiminum og ýta undir stöðuleika, sjálfbær þróun, réttlæti og velmegun um allan heim”; Morgunblaðið

Gögn frá kosnigunum núna í sumar eru ekki ennþá fáanleg á sama einfalda formi og fékkst síðast, þ.e.listi yfir fjölda kjósenda, greiddra atkvæða, ógildra atkvæða og kjörinna þingmanna í heild í hverju landi: hér að neðan eru því sýnd einföld útlsit kosninganna frá árinu 2004 ásamt tölum yfir heildar-kosningaþátttöku frá því núna í sumar. Ég mun ráða bót á þessu síðar. 


Atvinnuleysi á evrusvæði mældist 9,6% í ágúst

posted Oct 5, 2009, 12:02 AM by Gunnar Rögnvaldsson   [ updated Oct 10, 2009, 3:04 PM ]

Atvinnuleysi ungmenna undir 25 ára aldri á Spáni nær þeirri ótrúlegu tölu að mælast 39,2%. 

Allir:  

Atvinnuleysi á evrusvæði er nú 9,6% og 9,1% í öllu ESB. Atvinnuleysi hækkaði í öllum löndunum í ágúst. Hæst er atvinnuleysi á Spáni 18,9%, Lettlandi 18,3% og í Litháen 13,7%. 

Ungmenni:  

Atvinnuleysi ungmenna undir 25 ára aldri mældist 19,7% á evrusvæði og 19,8% í öllu ESB. Hæst er atvinnuleysi ungmenna á Spáni 39,2%, Svíþjóð 27,3 og á Írlandi 26,4%.

Síðustu 28 ár á evrusvæði:  

Þróunin atvinnuástands flestra landa evrusvæðis hin síðustu 28 ár má skoða hér


Fréttatilkynning Eurostat

| Attachments: 3-01102009-AP-EN.pdf

Icesave-málið og afsögn Ögmundar

posted Oct 3, 2009, 5:03 AM by Gunnar Rögnvaldsson   [ updated Oct 3, 2009, 6:24 AM ]

Grein eftir Hjörleif Guttormsson birtist á netinu í dag. 
"Deilurnar út af Icesave-reikningum Landsbankans frá árunum 2007–2008 erlendis hafa upptekið pólitíska umræðu hérlendis meira en nokkuð annað frá því að kosið var til Alþingis í lok apríl og ný meirihlutastjórn Samfylkingar og Vinstri grænna var mynduð í kjölfarið. Það sérkennilega við stöðu þess máls er að í langri samstarfsyfirlýsingu nýrrar meirihlutastjórnar frá í vor er ekki að finna starfkrók um Icesave frekar en það væri ekki til."

Allar grein Hjörleifs má lesa hér á heimasíðu hans: Icesave-málið og afsögn Ögmundar og á vefritinu Smugan



"Ráðlegast væri jafnframt að stjórnvöld dragi fyrr en seinna til baka umsóknina um aðild Íslands að Evrópusambandinu en þar liggja þegar að er gáð rætur þess ástands sem hér ríkir."

Atvinnuleysi á evrusvæði mældist 9,5% í júlí

posted Sep 4, 2009, 5:55 PM by Gunnar Rögnvaldsson   [ updated Sep 4, 2009, 6:35 PM ]

Atvinnuleysi ungmenna undir 25 ára aldri á Spáni nær þeirri ótrúlegu tölu að mælast 38,4%.  

Atvinnuleysi í ESB mældist 9% og 9,5% á evrusvæði.

Hagstofa ESB birti í vikunni tölur yfir atvinnuleysi í ESB og ríkjum þess fyrir júlí mánuð 2009. Á síðustu 12 mánuðum hefur atvinnuleysi á evrusvæði hækkað um rúmlega 26,6% eða frá 7,5%. Fyrir allt ESB mælist atvinnuleysi núna 9% og hefur hækkað um 28,5% frá 7% fyrir ári síðan. 

Þróunin síðustu 12 mánuði sést hér að neðan

Smellið á fánablöðin til að fara einn mánuð aftur í tímann. Fréttatilkynning Eurostat er viðhengd hér neðst sem PDF skrá

Atvinnuleysi ungmenna

Hjá ungmennum undir 25 ára aldri reyndist mældist atvinnuleysi í júlí 2009 vera 19,7 í ESB 27 löndum og 19,6 á evrusvæði. Hæst var það á Spáni eða heil 38,4% sem er ógnvænlega há tala.

Þróun atvinnuástands ESB og evrusvæðis frá árinu 2000


Mynd: frá Eurostat

Þróunin atvinnuástands flestra landa  evrusvæðis hin síðustu 28 ár


Þessi mynd hér að ofan sýnir 28 ára þróun atvinnuástands í stærsta hagkerfi evrusvæðis, Þýskalandi. Hægt er að skoða samskonar 28 ára tölur fyrir flest lönd evrusvæðis hér


| Attachments: July 2009 3-01092009-AP-EN.pdf

Stórmennskubrjálæði Kaupþings til sýnis í Danmörku

posted Aug 26, 2009, 7:28 AM by Gunnar Rögnvaldsson   [ updated Aug 28, 2009, 9:21 AM ]

Auglýsingakvikmynd íslensku fjármálastofnunarinnar Kaupþings er nú til sýnis á heimasíðu viðskiptablaðsins Børsen í Danmörku. Til að lýsa auglýsingamynd Kaupþings notar dagblaðið fyrirsögnina.:  

"Stórmennskubrjálæði Kaupþings - nú sem kvikmynd".  

Skyldi Børsen hafa vitað um umsókn fráfarandi utanríkisráðherra Íslands til setu í öryggisráði Sameinuðu Þjóðanna?   Eða jafnvel vitað um pönnukökubaksturinn?  

Slóðin á vefsíðu Børsens er hér.:   

Atvinnuleysi ESB, evrulanda ofl. síðustu 12 mánuði

posted Aug 2, 2009, 10:39 PM by Gunnar Rögnvaldsson   [ updated Aug 2, 2009, 11:21 PM ]

Þróun Atvinnuleysis í ESb og á Íslandi síðustu 28 ár


9,4% atvinnuleysi á evrusvæði í júní 2009 og 18,1% atvinnuleysi komið á Spáni


Hagstofa Evrópusambandsins birti tölur yfir atvinnuleysi í júní mánuði í ESB og fleiri löndum á föstudaginn 31. júlí 2009

  • Atvinnuleysi á evrusvæðinu mældist 9,4% núna í júní 2009 og hefur hækkað frá 7,4% fyrir ári síðan.
  • Atvinnuleysi í 27 löndum Evrópusambandsins mældist 8,9% núna í júní 2009 og hefur hækkað frá 6,9% fyrir ári síðan
  • Atvinnuleysi ungmenna undir 25 ára aldri mældist 19,5% á evrusvæði og 19,6% í 27 löndum Evrópusambandsins núna í júní 2009
  • Hér til hliðar má bera saman þróun atvinnuleysis í Evrópusambandinu og á Íslandi síðustu 18 til 28 ár
  • Hér að neðan má sjá þróun atvinnuleysis í Evrópusambandinu og víðar hina síðstu 12 mánuði
  • Neðst á síðunnu er viðhengd fréttatilkynning hagstofu Evrópusambandsins sem PDF-skrá


| Attachments: Euro area unemployment up to 9.4% 3-31072009-BP-EN.PDF

1-10 of 87