Kranarnir á Spáni benda mest í átt að gjánni

The Cranes in Spain Point Mainly to a Strain

Juan Sancho Toro þénaði vel á því að leigja út byggingakrana á meðan byggingabóla Spánar var að blása út á síðastliðnum 10 árum. En núna á hann 800 byggingakrana og veit ekki hvað hann á að gera við þá

"Ef einhver myndi hringja þá seldi ég honum alla kranana. Ég myndi jafnvel láta hund konunnar fylgja ókeypis með í kaupbæti"

En það eru engir kaupendur að krönum Juan Sancho Toro á Spáni. Því er leitað erlendis eftir aðilum sem hugsanlega hafa áhuga á að kaupa leifarnar af stærstu byggingabólu sögunnar. Uppboðin eru haldin í boði bankanna og byggingafyrirtækja í erfiðleikum

Árið 2006 var 25% af allri steinsteypu sem notuð var í 27 löndum Evrópusambandsins einmitt hellt út á Spáni. Sagt er að á hverjum degi hafi flatarmál sem svarar til þriggja fótboltavalla verið þakið með steinsteypu þarna í sólinni

Liebherr International AG segist hafa selt 600 byggingakrana til Spánar árið 2006. Það sem af er þessu Liebherrans ári 2009, hefur Liebherr selt nákvæmlega engan krana til Spánar

Ýmsir aðilar fjármálamarkaða eru farnir að velta því alvarlega fyrir sér hvernig Spánn fór eiginlega að því að fjármagna þessar framkvæmdir. Margt athyglisvert á eflaust eftir að koma þar í ljós

Virkar peningastefna evrópska seðlabankans á Spáni núna?

Á meðan EURIBOR viðmiðunarvextir á evrusvæði hafa farið hratt lækkandi frá því í byrjun október 2008, þá hafa vextir á húsnæðislánum á Spáni haldið áfram að hækka. Þetta ætti ekki að vera svona. Menn geta út frá þessu reynt að ímynda sér hvernig peningastefna evrópska seðlabankans hefði virkað á Íslandi ef Ísland hefði verið með evru þegar bankakerfi Íslands hrundi í október 2008. Raunvextir væru himinháir og miklu hærri en þeir eru núna

Wall Street Journal

• The Cranes in Spain Point Mainly to a Strain

Fisltful of Euros; Economics: Country briefings

by Edward Hugh

Is Spain’s Unemployment Really Over Four Million?

heimild: seðlabanki Finnlands

Mynd 2: EURiBOR viðmiðunarvextir á evrusvæði frá september 2008. Þessir vextir byrjuðu að lækka í október 2008. Það er þróun þessara lánskjara á milli fjármálastofnana á evrusvæði sem eiga að endurspeglast út í hagkerfin, en gera það sem sagt ekki á Spáni, enn sem komið er. Bankakerfi Spánar hefur það nefnilega ekki gott. Það gera heldur ekki ríkisfjármál Spánar. Því eru peningar á peninga heildsölumarkaði evrusvæðis (interbank lending) verðlagðir til Spánverja samkvæmt heilsufari fjármála Spánska hagkerfisins. Markaðurin sér fyrir því. Og ekki getur Spánn gert neitt til að laga þetta ástand því ekkert hafa þeir gengið eða eigin peningapólitík til að bjarga sér.

Spurning dagsins

Hvað gæti fengið peningastefnu seðlabanka evrusvæðis til að virka á Spáni núna?

Svar

Sameiginleg fjárlög landa evrusvæðis - og þar með sameiginlegt skatta- og skuldakerfi evrusvæðis => einn seðlabanki og ein fjárlög => á móti 13 seðlabönkum og 13 fjárlögum. Hvort líkanið mun lifa lengur? Einn eða þrettán?

Tengt efni

• Two Graphs That Tell It All On Spain

• Evruþátttaka lækkar lánshæfni Slóvakíu

  • Anders Dam forstjóri Jyske Bank bendir forsætisráðherra Danmerkur á að: sænska ríkið nýtur betri lánskjara en öll lönd myntbandalagsins

INE